Pi'saniktuk Niskam mijua'ji'j, kesalkusin weji makkelmulek
Wa'so'k eykik pestie'wa'lnitij, ansale'wit nespi jipkelmulek
Ansale'wit nespi jipkelmulek.

Ewlamulek na tkinaqaniktuk, me'sqatu ki'l Se'sus wksua'lin
Telue'sip oqoj wsitqamu'k, mijua'ji'jk jukita'tij ntinink
Mijua'ji'jk jukita'tij ntinink.

Wejkwi'taiek to'q emittukalnek, melkiknan tlia'j ewle'jin
We'kwanman wjit wula pkewe'k, wjipqitayi'k sqatu
maw milesin, Wjipqitayi'k sqatu maw milesin

Nqanikuomk naji meselmulek, jiksituin teli netawutiek
Kulpisaqan emtoqatmulek, Kutjiktuke'l poqji apaji-lo'liek,
Kutjiktuke'l poqji apaji-lo'liek

Mita'tuin awaneyimkewey, elue'wuti poqnitpaqa'luek
Na wjiaj kina'matinewey, nsitminen ketwewikinue'k,
Nsitminen ketlewi kinue'k.

‍

Ika'tuin elp nkamlamuninaq, wuleywaqn nketlamsitminen
Nujeywin njijaqamijinaq, Nulankwanen aqq majulkwalninen
Nulankwanen aww majulkwalninen

Apje'jiek ta'n teli apje'jin, te'sipuna'n elp te'sipunaiek
Menaqanan, te'sin menaje'jin, teli wlmitu'n ketui wlmituek
Teli wlmitu'n ketui wlmituek.

Ninki'kwinaq ikasum wleyu; mestanimu ta'n pewatmi'tij
Nutjinaq Pa'tlia'sk ankweyu, mlkiknewa'l wl-lukewuli'tij
Mlkiknewa'l we-lukewuli'tij

Ki'l to'q kiskuk, Niskam mijua'ji'j, teltamulek ewlistimuin
Nujo'teken ki'l nsisinenji'j, Pemawsiek me'j wiji-tkweywin
Pemawsiek me'j wiji-tkweywin